Նախագահ` հոգեբանական գիտությունների թեկնածու` Քնարիկ Ահարոնյան

«Ընտանիք» բարեգործական հասարակական կազմակերպությունը հիմնադրվել է 1990թ. և առաջիններից էր հետաղետյալ Գյումրի քաղաքում, որ ձեռնամուխ եղավ դեռահասների հիմնահարցերով զբաղվելուն:

Կազմակերպության առաքելությունն է`

1. Հասարակության կրթական և մշակութային պահանջմունքների, նրա համար առկա խնդիրների բացահայտում ու վերհանում և դրանց լուծմանն ուղղված գործունեության ծավալում:

2. Բարեգործական, գիտական, կրթական, մշակութային ծրագրերի և հետազոտությունների իրականացում:

3. Կրթության և գիտության առաջընթացի ու զարգացման խթանում:

4. Բազմաբնույթ բարեգործական, մարդասիրական և սոցիալական ծրագրերի իրականացում:

5. Դեռահասների արտադպրոցական դաստիարակչական աշխատանքի կազմակերպում, նրանց հետաքրքրությունների ու ունակությունների ձևավորում և զարգացում:

6. Հաշմանդամ դարձած մարդկանց համապատասխան մասնագիտությունների ուսուցանում՝ զարգացնելով ազգային արհեստները և կազմակերպելով նրանց աշխատանքի տեղավորումը:

7. Սովորողների տեսական գիտելիքների և գործնական ունակությունների փոխադարձ կապի ամրապնդում, նրանց կարողությունների զարգացում:

8. Կրթության զարգացման և առաջընթացի նպատակով սահմանված կարգով տարբեր կրթօջախների հիմնում, կրթական ծրագրերի կազմում ու իրականացում:

9. Հրատարակչական, տպագրական և տեղեկատվական գործունեության իրականացում:

10. Բարեգործության նպատաով միջազգային կապերի հաստատում, օտարերկրյա ոչ առևտրային և ոչ պետական կազմակերպությունների հետ համաձայնագրերի կնքում, միջազգային հասարակական կազմակերպություններին անդամակցում և այլն:

11. Սույն կանոնադրությունից բխող և ՀՀ օրենսդրությամբ չարգելված այլ գործունեության իրականացում: